Lýðræðishreyfingin staðfestir framboð til Dómsmálaráðuneytis

16/03/2009 00:00:00

Fréttatilkynning - 16 mars 2009

Lýðræðishreyfingin hefur í dag skilað undirskriftarlistum til Dómsmálaráðuneytisins og staðfest framboð til alþingiskosninga.

 Stefnuskrá Lýðræðishreyfingarinnar:

 1. Beint og milliliðalaust lýðræði:

    * Allir Íslenskir ríkisborgarar geti sent Alþingi tillögu að nýju lagafrumvarpi sem skal tekið til umföllunar ef stutt undirskriftum 1% kjósenda. Alþingismenn og ráðherrar geti einnig átt frumkvæði að nýjum frumvörpum.

    * Þingmenn fari með umræðu og nefndarstörf vegna frumvarpa á Alþingi og kynni fyrir þjóðinni m.a. á rafrænu þjóðþingi og vefsvæði.

    * Tilbúin frumörp lögð fyrir þjóðþing Alþingis til atkvæðagreiðslu t.d. 1.maí og 1.des ár hvert.

    * Hraðbankakerfið (sem nú er eign ríkisins) verði nýtt sem kjörklefar fyrir rafrænt þjóðþing.

    * Ef nauðsyn krefur geti Alþingi samþykkt bráðabirgðalög sem gilda fram að næsta þjóðþingi.

    * Þingmenn fara með atkvæði þeirra sem ekki óska að neyta atkvæðisréttar á þjóðþingi Alþingis.

2. Tillaga að breytingum á Alþingi og ríkisstjórn:

    * Þingmönnum fækkað í 31.

    * Landið verði eitt kjördæmi.

    * Þingmenn verði valdir í persónukosningum.

    * Alþingi velur ráðherraefni á faglegum forsendum. Forseti, sem þjóðkjörinn umboðsmmaður lýðsins og eftirlitsaðili fyrir virku lýðræði, skipar síðan ráðherra og veitir þeim lausn eins og nú er.

    * Ráðherrar sitji ekki á Alþingi.

    * Ráðning dómara og æðstu embættismanna verði staðfest af þjóðþingi Alþingis.